馬德鐘捐錢「積福」浩民拖妻思過

新進影壇美少女陳嘉桓最近到內地拍戲，應邀出席其他同在內地開工的前輩消夜，卻慘被同行的前輩馬德鐘和陳浩民又攬又錫，更遭強行施以魔爪，疑有進一步動作，事件哄動全港！「男主角」之一的陳浩民昨日與大肚老婆蔣麗莎（Lisa）低調返港，為避見傳媒，他帶Lisa由杭州搭機去深圳，再坐車回寓所，路程迂迴，難為臨盤在即的Lisa。其實浩民原定拍劇後放假返港逗留一周至十日陪產，卻爆出非禮事件，Lisa無奈陪浩民左閃右避而未能安心待產。昨晚浩民寓所亦引來大批傳媒守候，但一直都未見其蹤影。

已獲太太原諒

浩民的經理人林查理昨日受訪時說：「我唔准佢出門，要佢閉門思過。（浩民攬錫陳嘉桓？Lisa有何反應？）佢當然有責怪浩民今次飲酒累事，因為酒後亂性搞到咁樣，不過到最後都知浩民唔係全心去騷擾陳嘉桓，所以都原諒咗佢。」他又稱浩民為此事而難過，並答應好好反省。之後林再接受有線電視訪問時說：「陳浩民難辭其咎，佢唔係全心輕薄，喺冼師傅和嘉桓下咗道火之後會親自向兩人道歉。」此外，日前浩民在上海接受內地傳媒訪問，他表示工作再忙都要抽空做運動，繼續形象健康一面。

被圍插刪留言

至於另一「男主角」馬德鐘卻置身事外，昨日凌晨在微博發表偉論，更與老友浩民劃清界線：「就當晚之事件，浩民因醉酒確有行為不當之處。本人亦後悔沒有及時制止。而及後安慰陳嘉桓的行為令人產生誤會，就此要向嘉桓說聲對不起。本人已跟陳嘉桓的經理人如實解釋，並得到冼師傅及陳嘉桓諒解，明白此乃誤會。」一分鐘後他再留言，更有意以捐錢「解決」事件：「鑑於此事已引起社會人士不安，故本人亦準備效法冼師傅經常樂善好施的義舉，捐款予東華三院作慈善用途，回饋社會，造福社群。」其留言引發網友及圈中人狂插，昨午已火速將有關留言刪除。

無綫高層樂易玲昨午約四時邊傾電話邊步出機場，問她是否得悉馬德鐘涉犯下「抽水事件」？她說：「最近忙緊搞華姐，上飛機睇報紙先知。」並將稍後聯絡馬德鐘了解。

文：專案組