江湖中人介入冼國林誓討公道
宅男新寵陳嘉桓（Rose）不幸被陳浩民及馬德鐘施以狼爪，迅即引起全城熱話，據知已有不少人透過不同渠道調停事件，希望大事化小，涉及人士包括商界、演藝圈中人，甚至有江湖背景的人士。對此，Rose師傅冼國林承認近日有大批人聯絡他：「唔同界別嘅人都有，好多都有頭有面，但唔好用到江湖呢個字眼咁難聽啦！」提到馬德鐘在微博表示已獲其原諒，冼國林表示有不同人士向他提出解決方案，但暫時未向任何一方作出承諾，而事件已交由律師處理，自己會了解詳情，希望以合情合理合法的方式伸張正義，他說：「本住『得饒人處且饒人』嘅宗旨，都可以考慮原諒，大前提係當事人要向陳嘉桓作一個公道嘅交代！」
驚到唔識還手
冼國林昨晨接受電台訪問時表示起初未知事件的嚴重性，只知Rose被人「蝦」：「睇到相先知咁嚴重，好震驚，今時今日都有呢啲行為出現！」他表示前晚已見過Rose了解事件，Rose的情緒一直欠佳：「佢喊咗幾晚，同佢講電話都喊，我有鬧佢『真正帶眼識人應該係佢！』但鬧佢係過分咗，佢係受害者！」問到何以Rose識詠春卻不還手？冼國林說：「一個19歲女仔未經歷過，對住兩個大男人，舉目無親去到橫店呢個地方，未遇過狼，點訓練都冇用，佢驚到手足無措。」
對於當晚洪天明帶Rose往消夜卻「護花不力」，冼國林表示天明當時已飲醉，事後對方有向他SMS道歉。問到是否認識陳浩民及馬德鐘？他表示不認識亦不知道陳浩民是誰，馬德鐘則跟他吃過兩次飯，對方客氣地稱他做「師傅」。至於是否有人打電話求情？他只「嘻嘻」兩聲不作回應，但強調整件事大眾有目共睹，演藝界應作出公正評論。