陳嘉桓頹爆：試過反抗
陳嘉桓（Rose）於內地涉遭陳浩民、馬德鐘無禮攬錫，昨日召開記招交代事件，一臉憔悴的Rose，力斥兩位前輩有幸福家庭，滿以為會對自己如小妹妹般看待，怎料，事發時卻變成另一個人，並為自己不懂保護自己，令師傅、家人擔心而致歉！記招後，Rose去報警，據知，事件發生後，不少人曾向Rose師傅冼國林溝通，希望調停事件，當中更包括有江湖背景人士，對此，冼國林只承認近日有大批人聯絡他，其中不乏有頭有面之人！
Rose日前於內地橫店涉嫌被陳浩民、馬德鐘連環攬錫事件，由於事態嚴重，引起各界極大關注，Rose昨日在經理人、代表律師陪同下於觀塘召開記招，交代事件，超過半百傳媒採訪。
兩前輩變另一個人
Rose素顏現身，未知是否被事件折騰了多日，樣子十分憔悴並消瘦了一點，企定讓記者拍照後，經理人陳小姐率先開腔，指娛圈有一班熱心公益的人，大家互相扶持組成一個大家庭，不應有敗類存在，令中港台演藝界蒙羞，故經理人公司會採法律行動，要揭開無恥之徒的真面目！
之後，Rose便開始發言，先道出自己連日來的感受：「多謝傳媒對我嘅關心，發生件事之後，我、師傅、經理人公司上上下下都好唔開心，我想交代一下件事嘅經過，我之前喺內地拍電影，都會相約藝人食飯，事發前兩日都有食過，冇事發生，而我會去呢啲飯局嘅原因，係因為洪天明有份，洪天明係信得過嘅人，洪天明爸爸洪金寶亦同師傅好熟，嗰晚消夜，因為我要同天明一齊走，所以留低，原先冇事發生，但當天明醉咗之後，就發生嗰件事，當時好驚，兩位前輩都有幸福家庭，我以為佢哋會當我小妹妹咁看待，但點知變咗另外一個人，我反應唔到……」
提家人師傅泛淚光
Rose說到此處，頓了頓，之後再說：「師傅都提醒過我要小心，我真係唔夠警覺性，要向師傅、屋企講對唔住，要佢哋擔心！」
整個交代過程，Rose都能控制情緒，保持冷靜，但當提到家人、師傅，即按捺不住，低頭不語，眼泛點點淚光，要稍等一會，才能接受傳媒訪問。
R：Rose 律：律師 經：經理人 記：記者
記：事件發生嘅時候，你有冇反抗？
R：有，我有反抗，但反應唔切，佢哋係我信任嘅人……我又人生路不熟，唔知點離開。
記：你有冇飲酒？
R：冇
記：馬德鐘話同冼師傅取得共識？
經：老闆冇講過呢啲嘢！
律：其實去報案，落案後邊個被告、邊個證人由警方決定……
記：馬德鐘、陳浩民都有道歉喎？
R：（停一停）：唔方便講，處理好先再講。
記：Rose話之前有反抗，但馬德鐘接觸完你身體之後，再幫你着衫。
R：自己試過有反抗，實在少咗戒心同警覺性。
記：今次喺內地係咪第一次認識兩人？
R：係，我喺係橫店識佢哋，經常一班人食飯。
Rose接受記者提問期間，有不少問題，都不懂面對，需由身邊人代答，好似「呢個行為（指被又攬又錫）維持咗幾耐？」、「佢哋有冇摸你下體、胸部？」、「有啲相見到你笑？」，Rose都沒有回答，而在旁的律師則以會去報案，涉及案情不便作答來回應，而Rose代表律師亦有提及明白事件在內地發生，可能搜證會有問題，但都去報案，並會諮詢內地律師意見，睇吓是否去浙江省報案。
記招結束後，Rose便在四個黑人保安護送下，乘保母車到觀塘警署，一到埗即被大批記者團團圍住，場面混亂。眾人入了觀塘警署約個多小時後，警署有一穿制服之高級警官指Rose已坐CID車去了第二度落口供，之後傳媒收到消息，Rose去了將軍澳警署，便即到將軍澳警署等候。經過了五小時落口供之後，Rose晚上接近十一時離開警署，問及落口供時有否感到難受，她表示只是說出事實。Rose經理人表示，Rose會於今日離開香港返內地繼續工作。
警方發言人回覆指，警方昨接獲一名十九歲女子報案，聲稱較早時在內地被非禮，案件列作境外罪案處理。 文：影視組