EKEE食‧住 環保好easy
電台DJ EKEE瓣數多多，除了做DJ又有出書當才女，最近伊人更轉戰樂壇當新人！原來除了工作外，講到環保她都一樣「計仔多多」，不論食、住方面也有不少環保妙法。EKEE謂有時只需要簡單一句便可做到環保：「因為我食唔晒，所以出去食飯都會嗌少飯，但記住一定要用堅定嘅眼神同侍應講，如果唔係佢一定唔理你！」而她亦會自攜餐具：「一定有一份喺身，咁叫外賣就唔使用即棄餐具啦！」
除了在食方面外，原來平時只要大家「有手尾」已經可以做到環保，EKEE說：「喺公司可能有同事會唔記得熄燈同埋冷氣，如果我行過見到冇人就會跟手關掉，咁就唔使浪費資源。」另外，她表示家中已換上慳電膽：「可能好多人都已經換咗，不過唔好恃住咁啲燈就可以長開，因為咁做都會嘥電！」
