許廷鏗認衰黐仔亂性
「巨聲幫」許廷鏗早前被拍到深夜在公園與同性好友疑似斷背相片，前晚他首度見記者親口回應，堅稱喜歡女人，對於頭貼頭及瞓大髀行為只因酒後「亂性」！
一對「緋聞好友」許廷鏗與張敬軒前晚出席十‧一慶典卻未有合作，而許廷鏗被追問與圈外同性好友疑似斷背事件，他解釋當晚空肚飲酒易醉，他認衰說：「係自己唔啱，公眾人物要自重少少，出嚟報道係無可厚非，我對唔住前輩、家人同朋友，令佢哋擔心。（你瞓人大髀？）我好攰，加上酒精影響！（斷晒片？）都係。（哄咁埋嘅？）冇印象。」正常兩個男人好少咁親暱？他再以好倦和酒精影響解畫。問到性取向時，他堅定說喜歡女人，更會成家立室，表示日後絕對會小心。
林二汶玲瓏示人
至於軒仔笑言在該報道中有他名字和相片，成了客串角色，對於許廷鏗與同性友人親暱行為，軒仔笑言：「係咪睇牙咋！（哄到好埋？）睇埋耳鼻喉啫。」但軒仔則說不要因報道而抹殺對方的努力。另有份演唱的林二汶鮮有女人味打扮，盡顯玲瓏身段，問到身材級數？她謂：「高級。（Go Cup即G奶？）中英文都得嘅！」
文：音樂組