福祿壽獲封「豉」帝 祖藍讓獎寸馬浚偉
「福祿壽」阮兆祥、王祖藍、李思捷及官恩娜、苟芸慧、陳茵媺等昨為台慶劇《荃加福祿壽探案》宣傳，玩遊戲之餘各獲頒豉油、蠔豉、豆豉一樽，寓意三子成為「豉（視）帝」。拿着「獎座」的祥仔扮感動，思捷直呼無聊，祖藍則笑言「我決定讓獎畀馬浚偉」。
官恩娜梳起唔嫁
事後談到讓獎一事，祖藍揚言三子分別讓獎給陳豪、黃宗澤及馬浚偉，在旁的祥仔補充還要讓給謝天華，祖藍即笑說：「我哋三個無殺傷力嘅攞到咪冇人嬲囉！」三子覺得誰做視帝都不重要，最重要大家睇此劇睇得開心，至於收視期望，祥仔說：「四十點係基本啦！」
此外，官恩娜以劇中的「媽姐」造型出席宣傳，談到近日不少女星閃婚，她笑言：「我梳起唔嫁架……今日，其實結婚係冇潮流，自己嘅人生大事由自己作出適合嘅決定。」至於她與混血男友雖感情穩定，但未有結婚計劃，家人亦無催婚。
文：影視組