楊秀惠騷性感遇對手
楊秀惠、李亞男、高海寧、朱慧敏、陳倩揚等昨出席「明珠小廚神——大廚班」活動，秀惠吊帶低胸打扮最搶鏡，她笑言：「我平時都性感，不過畀高海寧蓋過之嘛，其實身材好仲應該要有智慧，如果只係得身材就好似空殼咁，不過高海寧乜都有！（你有咩贏佢？）我有男友囉，除咗工作外，其他生活都開心。」不過秀惠揚言男友未求婚，故未有結婚計劃。
此外，李亞男剛與男友王祖藍完成《王祖藍咪咁扮嘢演嘢會》，她透露九月會一同到美國做布道會，順道帶祖藍返加拿大「見家長」，記者笑問其家人會否以為她搵個小朋友做男友，亞男笑說：「佢大我五歲o架！」