C君十指緊扣冇甩拖
組合農夫成員C君早前被踢爆遭圈外女友Gloria悔婚兼提出分手，兩人日前被撞見到銅鑼灣十指緊扣拍拖，甜蜜Shopping，以行動粉碎傳聞，高調拖手到銅鑼灣Shopping晒恩愛。由於天氣酷熱，體貼的Gloria不但為C君抹汗，更買一杯珍珠奶茶兩份啜，如奶茶中的珍珠般「煙韌」！
兩人之後到眼鏡店揀心頭好，見兩人主攻黑超，鬼馬的Gloria為男友戴上由她挑選的墨鏡，C君亦抵死地向女友展「嘟嘴功」，氹得Gloria冧笑兼「Fing頭」，可惜兩人最終兩手空空而回。據知，Gloria的確想趁30歲前到外地進修，C君已答應女友的決定，婚禮亦會如期舉行。