宋芝齡韓國影婚照最「熟」路
中韓混血兒宋芝齡（Angel）利用其韓國文化背景優勢，繼開韓文學校後，又發展韓國婚紗攝影生意，她認為去韓國影婚紗相已成為港人新趨勢：「咁多年香港人都係去台灣同歐洲影婚紗相，開始覺得悶，韓國畀到一個另類嘅選擇，行高雅成熟路線，當然亦有人因為迷韓劇而對韓國文化產生興趣。」
公司最初只做攝影，後來增設花球設計、特色喜帖及韓國星級化妝等一條龍服務，凡事親力親為的Angel更專程飛往韓國學整花球、花環，回港後再加以改良，在全白中加入港人口味的鮮色襯托。自小渴望舉行公主式婚禮的她，更特別引入韓國婚紗，以求再給客人多一項選擇。
藝人身份最頭痕
同類公司愈開愈多，要讓消費者知道她的公司貨真價實令她最為頭痕：「自己做得幾好，都要搵方法畀人知，有啲人會覺得因為我個名先收得貴，其實就係因為自己係藝人，對產品要有承諾同質素保證，希望做到高檔、穩陣！」她笑言已將所有嫁妝進貢落公司，今次不成功便成仁！
首爾OUT，大邱IN
一講到韓國影婚紗相，定必先聯想到首爾，其實韓國有很多其他意想不到的自然景點，想親親大自然，首選大邱！大邱最廣為人知有八公山，當地仍保存完整的百多年歷史建築物和傳統優良文化，絕對是婚紗場景的新選擇！
文、攝：專案組
場地：SONG WEDDING WORLD