子丹再闖荷里活十五十六

子丹休息半年片約仍如雪片紛飛，早前他抽空返美國探望家人，更獲正在籌備十月開工的荷里活大片《轟天猛將2》投資方及監製Avi Lerner邀請飯聚，明言很想請曾接拍過幾部荷里活製作的子丹合作。

最緊要睇劇本

飯聚雙方言談甚歡，對方承諾為子丹度身訂造角色，加上《轟》片首集全球勁收二億七千萬美元票房，又有布斯韋利士、阿諾舒華辛力加，以及李連杰等卡士助陣，對子丹來說可謂信心保證，不過由於手頭上還有其他劇本同時正在洽談中，致令子丹暫拿不定主意。

布斯韋利士	子丹一家四口遠離煩囂，在美國享受假期。	子丹重遊中學校園，雀躍不已。

記者昨聯絡上子丹公司的張小姐求證，她回應說：「係有咁嘅事，不過子丹唔會因為佢係荷里活片就『秤先』，最緊要係睇劇本吸唔吸引。」談到早前有報道提及子丹接下來的片約及工作檔期，張小姐不諱言：「目前只係得黃百鳴嘅賀歲片係簽咗約啫。」

美國悠閒度假

對於有傳古仔辭演《忠烈楊家將》後，子丹對該角色虎視眈眈。張小姐說：「我唔知啲傳聞點樣嚟，子丹本身要揀嘅劇本已經好多，成件事好荒謬，佢根本一啲興趣都冇。」

至於上月的美國探親之旅，子丹過回普通人生活，要求太太開車，帶他重遊兒時的故居，以及曾入讀的中學校園。子丹禁不住興奮，不時拍照留念及自娛，期間更於校園內躍跳及翻觔斗，恍如大細路。

文：影視組