陳慧琳恨再追B仔女唔拘

前晚Kelly、台星陳喬恩及桂綸鎂、大陸女星張雨綺及高圓圓，以及韓星金荷娜等一同出席時裝活動，其中早前被指造人成功的Kelly穿上束腰裝現身，以行動證明仍是「單身」。Kelly甫到場即被記者追問有關懷有龍鳳胎一事？她即時作出否認：「未有BB，雖然我都好想，（係咪休息一年？）冇話休息幾耐，其實我自己唔係好急要，順其自然啦！（依家身體點？）OK，不過要慢慢嚟，（想要人工懷孕定自然？）冇乜所謂，會問醫生意見，我好open，（追女係目標？）冇所謂，乜都要，最緊要搞好身體先。」

Kelly又謂囝囝蝦餃仔還未懂得想媽媽為他生個弟弟或妹妹，談到蝦餃仔留長髮？Kelly笑說：「係我幫佢剪嘅，我唔識剪男仔頭，同埋要吼佢瞓着先可以剪，仲要係打側瞓先剪到，所以要兩日先剪到，（點解唔畀人剪？）因為佢未識坐定定畀人剪，其實男仔長頭髮都幾得意呀！」另外，張雨綺以4吋高跟鞋示人，即打破有孕傳聞。

何超雲和陳山聰翹實出席另一活動，面對現場半百記者，山聰貼身護花。

何超蓮一頭卷髮，隱約流露出點點女人味。

超蓮爆超雲心情好

此外，賭王三太女兒何超蓮亦有出席活動，問到姐姐何超雲與陳山聰蜜運中？她笑謂家姐心情很好，自己也有看過山聰主演的劇集，稱讚其演技也不錯。對於陳山聰曾離婚，會否怕家姐被騙？她說：「佢識分，而且我會保護佢，（家姐好盲目？）愛情好難講，（家姐好迷佢？）唔迷就唔係真係拍拖啦，不過我唔覺得家姐唔清醒。」另外，她再次否認與吳克羣的緋聞，並強調自己是單身，但將來拍拖就不會公開。

陳喬恩專程來港出席活動。

（左起）桂綸鎂、高圓圓、張雨綺各具風韻。

文：名人組