Polka Dots萬波齊放

Polka Dots（波點）總是給人一種懷舊感覺，但襯得好就會轉化為時尚氣息。近日打開報章、雜誌都會發現萬波齊放，大波細波遍布恤衫、連身裙、風褸及Jumpsuit上，無論是大篇幅的散布面，定還是適可而止的裝飾，都是今期流行。

眾女星都因應潮流而集波成群，但配襯功力實在各有高低，而本報找來星級形象指導亞南（Nam Kong）為大家點評，順道提醒你、我、她要着靚波點服飾的竅門！

如果個子唔高又唔算纖瘦，着波點就要加倍小心，因為圖案衫會有視覺交錯，將面積分布，太多波點或者襯埋一堆會令你肥上加肥、矮上加矮，就算着高多三、四吋高跟鞋都補救唔到。最好揀收身剪裁，因為直身剪裁會冇腰線。切記要清楚自己身形，唔好話興就着，否則自暴其短，毫無美感就失禮人前。

Angelababy 都冇乜錯，好啱佢，一身Sporty Look好眼前一亮，睇得舒服。	陳嘉桓完全青春搭夠，佢又高又瘦又好後生，Carry得到，唔會着得Cute得滯。	樂瞳好青春，雖然佢唔係好後生，但佢走Cute路線好啱佢，完全好襯佢。
劉心悠個髮型太老，件衫剪裁直身，着到冇腰線。其實可以將拉鏈拉低少少。	莊思明着得好老，條裙太闊好似大肚衫，加上Tube Top打底已唔興，建議襯黑色V領背心。	傅穎條清新嘅裙唔襯個金髮Look，妝容、髮型都唔襯，格格不入。
鄭融唔好睇，因為佢唔夠高又唔算瘦，如太多Patterns喺身，會將缺點放大，變得肥矮。	吳日言略嫌件恤衫着得婆仔，而且佢又瘦可以着大波點，因為佢Cute得到，如果想少女味可以襯對襪仔。

Nam Kong，亞南。99年畢業於香港理工大學攝影設計系，現擔任張敬軒御用形象指導；早於97年獲邀擔任香港Lane Crawford的創作顧問，曾參與多位本地歌手唱片及形象造型顧問如林峯、鄭希怡、鍾嘉欣、泳兒與周柏豪等。最近積極籌備模特兒經理人公司Model Max。

Angelababy 都冇乜錯，好啱佢，一身Sporty Look好眼前一亮，睇得舒服。	陳嘉桓完全青春搭夠，佢又高又瘦又好後生，Carry得到，唔會着得Cute得滯。	樂瞳好青春，雖然佢唔係好後生，但佢走Cute路線好啱佢，完全好襯佢。
劉心悠個髮型太老，件衫剪裁直身，着到冇腰線。其實可以將拉鏈拉低少少。	莊思明着得好老，條裙太闊好似大肚衫，加上Tube Top打底已唔興，建議襯黑色V領背心。	傅穎條清新嘅裙唔襯個金髮Look，妝容、髮型都唔襯，格格不入。
鄭融唔好睇，因為佢唔夠高又唔算瘦，如太多Patterns喺身，會將缺點放大，變得肥矮。	吳日言略嫌件恤衫着得婆仔，而且佢又瘦可以着大波點，因為佢Cute得到，如果想少女味可以襯對襪仔。