趙彤婚禮沾喜氣溝仔趕生B
台模出身的趙彤先後與霍啟剛和廖碧兒緋聞舊愛林忠豪爆緋聞，將擔任好姊妹孟瑤伴娘的趙彤表示，希望在對方的婚禮上沾喜氣識男仔，她說：「今次瑤瑤請咗好多親朋好友去飲，到時要沾下喜氣，識番個鑽石王老五。」單身的趙彤更直言恨嫁：「我想快啲結婚同生BB。（做未婚媽媽？）係啦，好想生小朋友，不過暫時未有對象，呢啲可遇不可求。」她又表示不奢望夢幻婚禮，最好「快、靚、正」為主：「將來想喺小島行禮，儀式同過程十分鐘搞掂，之後成班親友瘋狂開Party。」
早前𡃁模爆發寫真舌戰，趙彤亦有留意報道，認為她們只是互相宣傳，最緊要言論沒有人身攻擊，而趙彤則表示暫無意影寫真。
場地：葫同@紅磡 髮型：Keith@IL Colpo