傅穎冧排隊fans壽司餵勞

Theresa今日推出新書及舉行簽名會，一如以往，半百歌迷於昨晨5時已在灣仔會展門外排隊霸頭位，務求第一時間衝入場。向來識做的Theresa昨日完成工作後，拿着兩大袋壽司到場慰勞歌迷，令fans既驚且喜。穿上背心及戴黑超的她，更逐一餵歌迷食壽司，連男歌迷亦有份「受惠」，她說：「我對歌迷只有無言感激，惟有現身支持佢哋。」

鑑於天氣悶熱，Theresa既心疼又抱歉：「本來打算自己整雞翼畀佢哋食，但係整唔切。（多數都係女粉絲，擔唔擔心佢哋安全？）之前都擔心，但依家多咗男歌迷，啲『猛男』仲會留低陪佢哋排隊，所以希望佢哋嘅父母唔好咁擔心。」

何佩瑜打唇印送給幸運粉絲。	李蘊與趙哲妤約埋巡場。	李蘊與趙哲妤在書展言談甚歡。

齊否認係o靚模

至於趙哲妤（Uny）及李蘊昨日相約到會展「巡場」，順道監察「敵情」，而「惹火尤物」何佩瑜亦有到場睇「擺位」。對於電台主持查小欣寸o靚模冇內涵齋露肉博見報，Uny及李蘊拒「對號入座」，李蘊說：「我唔係o靚模，平時都唔會性感得去邊！」Uny則澄清寫真集行藝術路線，絕無意識不良，又異口同聲讚陳靜（DaDa）的雙封面寫真最吸引。

此外，李蘊透露前晚曾致電趙碩之互相鼓勵，二人更在微博表示要交換寫真。

文：影視組