(3)許亦妮冇人接機呻dry

《2011香港小姐競選》十四位港姐昨晚七時多從台灣返港，此行完成了為期十二日的外景拍攝。十四位港姐離鄉十多日，出閘後都歸心似箭，不過，她們的家人或男友等都未見出現接機，佳麗全都自行坐公共交通工具離開。

惡意中傷已睇化

(3)許亦妮雖然緋聞不絕，但昨日未見有男友到場接機，甚至連家人都未見蹤影，她表示：「屋企人要做嘢嚟唔到，（咁多男友都冇一個嚟接？）冇呀！見我一個人咁可憐就知我冇男友。」

問到家人未有接機是否不支持參選？許亦妮說：「唔係，佢哋有工作在身！（有爆料話你同有錢女Carmen鬧交反面？）冇咁嘅事，同佢係好朋友亦冇發生任何衝突，唔知點解有咁消息，（得罪人多？）我都唔知，係惡意中傷，但太多啦……我已經睇化。」

李天縱否認整容

(10)李天縱表示經過這個辛苦行程，鍛煉到她比前更堅強，因曾被導演鬧，問情況可有改善？她說：「一日比一日好！（有爆料話你整容？）冇！當時我16歲剛準備考試，媽媽常煲湯令我肥到125磅，所以同依家有分別。（虛報學歷？）我參加選美時16歲，距離依家已八年，我都完成了大學，所以我係讀過大學，（未夠歲參選？）當年身邊有女生還小過我！」

文：影視組