未獲道歉及回覆 李泳漢決告雜誌

李泳漢早前遭《FACE》偷拍並被指有易服癖，昨日接受電話訪問時直指已去信有關雜誌，但至今仍未得到任何回覆及道歉，經同律師商量後，決定控告有關雜誌，最快於本周內有消息，他說：「我會咬住佢唔放，呢件事對於我就好似臉上嘅一條疤，永遠不能磨滅。我仲搵緊適合嘅代表律師同研究緊個程序，到時告上法庭，除咗要求道歉聲明外，仲希望佢哋可以同我做澄清專訪，你哋知唔知連馬來西亞嘅fans都問我係咪易服癖？難得今次咁多藝人同一時間受傷害，我好想借呢個機會，勸喻各位藝人唔應該再沉默，亦想借今次件事鼓勵所有藝人站起來，爭取番應有嘅尊嚴同道理。」