裕美識食意麵情迷
歌手裕美天生易肥，為了上鏡靚，曾要長期戒食澱粉質食物，對「麵包可以當飯食」的她，絕對是件極痛苦的事。幸好隨着年紀增長不再有「baby fat」，她現時覺得健康比靚更重要，故能放鬆心情盡情品嘗至愛的麵包美食。
日前裕美專程試食食材來自日本的麵包餐廳，她一口氣試食了「鎮店之寶」博洛尼亞吉列豬扒三文治、卡邦尼汁煙肉意粉、甜品肉桂蘋果及凍綠茶泡沫咖啡等，食到肚仔脹脹。裕美說：「雖然有啲人覺得麵包係好普通嘅嘢，但呢款三文治好唔同，真係食到日本味，我最鍾意酥皮邊，好脆，但撈埋啲汁，唔會覺得好乾，豬扒有豬味。」
「煮意粉最難係口感適中，唔可以太硬或太腍，我面前嘅意粉就軟硬度啱啱好，最一流係特製嘅白汁。」裕美說：「至於肉桂蘋果好得意呀，蘋果蓉係熱嘅，但啲蛋糕就凍，好有冰火效果，啲蘋果蓉夾雜住大大條蘋果肉條，食落去好爽，好清香！」
場地：BO-LOGNE@海港城LCX