驚聞栢芝以死要脅 祖兒：係人都知佢烈
「鋒芝婚變」全城關注，近日又有傳聞張栢芝疑以死要脅謝霆鋒不要離婚，霆鋒好友容祖兒前晚除以「爆炸」來形容栢芝的行為，更指栢芝是「烈女」一名，不過她相信對方不會自殺，她說：「佢係大人，唔會咁做。」
容祖兒、陳偉霆、「扒女」李依琳、陳見飛、詩雅及Ana R.等前晚出席Chanel J12 Chromatic腕錶發布活動，身為Chanel粉絲的祖兒更獲大會送上一隻價值五萬七千元的腕錶，並亦預祝她本月十六日生日。
冇時間探霆鋒
剛從馬國回港的祖兒，表示在當地拍廣告十分忙碌，所以沒有時間探望在當地開工的霆鋒，不過亦有透過助手問候對方，她說：「朋友之間，佢知我有心就得！」
對於「鋒芝婚變」，祖兒表示傳聞版本有太多，內容更是層出不窮，她說：「我希望佢哋雨過天青，唔好離婚！開心生活先有動力去做嘢！希望佢哋和好如初，唔好再有唔開心嘅新聞。」
近日有傳聞指奶奶狄波拉搜集資料，有關張栢芝曾向霆鋒及朋友面前表示，他日若要離婚，大家就在ifc樓下相見的短訊，祖兒對此說：「咁驚？咁爆炸！」問到她覺得栢芝為人如何？她說：「係人都知佢烈！佢係大人，唔會咁做！」
陳偉霆想度假
陳偉霆近日曬到一身古銅色肌膚，他表示希望與阿Sa去旅行，享受陽光與海灘，但因工作關係，最快要等到明年新年，他笑言重點是不讓阿Sa被狗仔隊影到。此外，他表示自己亦擔心被偷拍，他說：「就算自己一個人住又或者係兩個人，都要拉窗簾！」
採訪：名人組