唔信合照致離婚 Eric Kwok難做和事老

組合Swing昨日出席手機活動，對於「鋒芝婚變」，與霆鋒老友鬼鬼的Eric Kwok說：「佢心情OK，我唔覺得佢哋有事，其實每對夫婦都有鬧交時候，要維繫一段婚姻係要用好多時間同心機，作為朋友無時無刻都想幫手，但有啲嘢係要佢哋自己解決。」由於Eric Kwok女友葉佩雯是張栢芝好姊妹，Eric Kwok承認「聽晒兩邊嘅故事」，問到會否做和事老？他說：「冇可能。（信唔信係栢芝同陳冠希機上合照搞到離婚？）唔信。」霆鋒好友梁漢文坦言對鋒芝婚姻不便多說：「兩個都係朋友，朋友比發表見報重要。有咩困難都可以衝破同解決，但家家有本難唸的經。」