陳啟泰密謀省靚Game王招牌

陳啟泰（Ken）向來予人主持人形象多於歌手，不過熱衷音樂的他從未言棄，即將推出新專輯的他以新人自居：「因為之前出一隻碟就停一停，我要求唔高，只係想做到聽眾有共鳴。」他自謂是香港的另類歌手，不求銷量：「因為唱片公司好新，做到公司同音樂掛鈎，已經對得住老闆。」

Ken的努力並沒有白費，其新歌《Baby Baby》早前打入內地音樂先鋒榜No.1，他大讚作曲的江欣慈寫歌才華了得，一兩星期便能交貨，但效果奇好。

搵新電視台合作

除了歌手及主持工作，Ken一直對幕後工作感興趣，早年憑主持遊戲節目《百萬富翁》人氣爆燈的他有留意《撳錢》，對於該節目一收費即收視下跌感到可惜，慨嘆為何這樣揼本的製作，不留待攞免費牌後才做。

講起Game Show眉飛色舞的他大爆有意推出新Game Show，並有信心歡迎程度拍得上《撳錢》，觀眾投入程度與《百萬富翁》睇齊。他又大賣關子，說新Show不會找無綫及亞視做，嫌無綫做唔夠型，亞視做又唔會靚仔。他睇準將來會有不少新電視台，正是好時機推出其新Game Show。

文、攝：專案組