祖兒阿田唱好生日P 杜汶澤要錢唔收禮
前日是杜汶澤的卅九歲生日，英皇老闆楊受成為他在英皇駿景酒店搞生日派對，除了愛妻田蕊妮、楊受成、容祖兒、霍汶希、陳偉霆、江若琳等半百好友出席外，王晶、黃百鳴、邱禮濤等影圈大導等亦畀面現身，星光熠熠。據知阿澤今年已傾緊八部戲，不過因為冇期而推掉不少。
前晚一班人玩得非常投入，祖兒與阿田歌癮大發即席鬥唱，兩人同因參加歌唱比賽入行，事隔多年對唱當年共同的參賽歌《一首獨唱的歌》，以懷舊味道炒熱氣氛。DJ雲妮更指兩人破天荒首度對唱這歌。
捐書包贈災童
阿澤開P前與老婆撐枱腳慶祝，他笑說：「老婆請食大餐，飽到想嘔，我哋窮等人家好難有餐好飯食。」他透露生日派對很有意義，會將「禮金」捐出為青海玉樹賑災：「月尾會買書包送畀當地小朋友，已經叮囑朋友唔使送禮，現金三百當入場券。」問到生日願望，他指健康與心境最重要，最緊要大家開心。
另外，阿澤昨在微博自嘲偽人：「離開時上車有記者朋友拍照，我為了顧全儀態而虛偽地裝出清醒的表情，開車後真誠地一睡不醒。」有份到賀的陳偉霆表示做善事福有攸歸，更為身在外地的女友蔡卓妍捐錢。
文：專案組