韓國拍婚紗照 宋芝齡殺出血路
中韓混血兒宋芝齡（Angel）繼開韓文學校後，近日又擴充其韓國婚紗攝影公司，當提到被不少同行抄橋，她便氣上心頭：「我哋包晒去韓國影相嘅所有服務，簡直係一條龍，但係好多人依家都抄我嘅做法，不過我始終係藝人，對扮靚始終敏感啲，新人全部嘅形象設計都由我負責！」
幫襯Angel的情侶除了對韓國有興趣外，亦傾向以清簡自然為主的拍攝手法：「有啲情侶唔鍾意太複雜，我之前有親身去影咗一輯婚紗相，以經驗所得再改進個服務。」她又笑言設計造型給她很大成功感：「有次個男仔喺韓國打畀我，話直頭唔認得自己個女朋友，佢好似變咗另一個人咁！」