HotCha親親熊貓開心瞓地
女子組合HotCha成員黎美言（Winkie）、張紋嘉（Crystal）和張惠雅（Regen）三位80後女生早前現身主題公園的熊貓園，肩負餵飼熊貓的重任。能與「國寶」作超近距離接觸，難怪三人都高呼「夠刺激」，Regen更玩到碌地！
HotCha三位成員為打破社會對80後的負面偏見，決定接受電台節目《有冇搞錯》的挑戰，與主持人彭詠儀（Morle）齊闖熊貓園禁地。經過一輪關於熊貓的講解，幾位便換上一身工作服，為園內熊貓準備食物。Crystal說：「熊貓主要嘅食物除咗竹葉，仲有蘋果，兩種食物嘅分量要合比例，咁先確保佢哋食得健康！」
初見面緊張興奮
熊貓就在眼前，三人起初表現緊張，但看到熊貓可愛的臉，她們再次進入興奮狀態。Winkie更親自把飼料餵到牠的口中，還拿起手機為熊貓拍照留念，她說：「第一次咁近接觸熊貓原本都有少少驚，不過見佢咁聽話，即時放心晒！」
當她們為較年長的熊貓安置食物時，貪玩的Regen突然躺在草地上扮熊貓「扭計」大叫，場面爆笑，她還笑說：「要做一個專業嘅護理員，當然要親身感受熊貓嘅生活，否則唔會明白佢哋需要。」
文：專案組