楊秀惠慳家搵贊助結婚

無綫花旦楊秀惠早前連同港姐冠軍陳庭欣及大廚黃永幟，齊赴家鄉馬來西亞拍攝飲食節目。雖然拍攝長達三星期，卻因為工作緊密無暇回老家探親。久違家鄉的秀惠大呻此行令她慘變「黑炭」：「之前朋友成日話馬來西亞熱都唔覺，就算工作去都主要留喺商場，但今次拍攝多數戶外搵食材，所以好熱，返到嚟曬到變咗炭！」

狂敷Mask

楊秀惠透露返港後即狂敷Mask，且在當地擦了一種特別的植物油，才保住白滑美貌：「呢種植物油有防斑防曬功效，所以曬完都冇甩皮同起油脂粒，塊面可以Keep住白，但全身就黑晒。（男友詐型？）冇，佢仲話曬得均勻。」

雖與男友Ray感情要好，但秀惠笑言結婚未係時候。

秀惠（右）早前孖港姐陳庭欣及大廚黃永幟四出搜尋馬國美食。

問到何時與男友Ray步入教堂，秀惠說：「今年內都唔會，做吓姊妹先！（出年？）搵到贊助先諗，幫男友慳錢嘛，到時見有戒指咪即係結囉！」問秀惠會否簽婚前協議書，她即說：「我覺得好恐怖！我有朋友試過，因為對方家長話要簽先結，我就鍾意簡單啲，男女平等，女人就算有男人錫，都應該有自己事業。」

文：專案組

攝：沈健程

服裝：Juicy Couture

場地：中環IFC