楊梓瑤香港代表 肉搏張馨予
「浸大E神」o靚模楊梓瑤（Carol）與導演錢國偉亮相由黃柏高（Paco）主持的節目，提到三人合作的電影不乏性感女星，Carol直言盡力為港爭光，肉搏身材驕人的內地模特兒張馨予，Paco亦笑言眾女均搏到盡，場面目不暇給！
o靚模楊梓瑤昨日與兩位導演錢國偉（Wilson）及谷德昭，出席由Paco主持的《Paco的風花歲月》錄影，密實上陣的Carol早前參演由Paco監製、Wilson執導的電影《戀夏戀夏戀戀下》，她表示多謝兩人賞識，對於電影中有內地模特兒張馨予、日模松岡李那及中巴混血模特兒馬瑙等身材強勁的女星演出，問到會否怕被比下去？有「浸大E神」稱號的Carol自信地說：「個個都好勁，我都見識過，但係我都OK嘅！戲入面有得騷都騷咗，我算係香港代表，盡咗能力喇！（性感極限？）呢套係健康笑片，比堅尼為主！」
Paco抗拒拍三級片
提到Wilson向來找性感女星演出電影，問到會否因而有意投資三級片？Paco聞言即說：「嘩！呢啲唔係我專長，真係無能為力！」Wilson亦笑言三級片難拍，他說：「肉蒲團嗰啲？我着浴袍就得！（出動私伙女星？）可能會拍到標晒汗，由請去到教我都會尷尬，仲難拍過飛車鏡頭！」旁邊的Carol即笑Wilson：「乜你都會尷尬o架咩？」
文：影視組