張家輝捱餓狂谷三度暈倒

電影《殺人犯》導演周顯揚邀得雙影帝張家輝及任達華演出懸疑動作新片《大追捕》，夥文詠珊及謝安琪等鬥智鬥力。首次飾演極度重犯的家輝，五個月內狂減10磅，化身「鋼條輝」，家輝說：「我日日食雞肉同烚菜，食到囗寡寡兼乾噌噌！」並笑言謝絕收看飲食節目，以免流口水，另外他又謂：「每日諗起要去做Gym就想死！」

肚餓擦魚生

家輝直言看見自己辛苦操練而成的三角身形不禁自戀一番，他說：「當年喺警察學堂訓練都冇咁辛苦，今次仲試過喺健身室連暈三次！」並自爆曾因餓過龍而照擦魚生：「試過有次餓到跑去健身室對面間日本料理舖，雖然剛啱遇上日本大地震，我都叫師傅每種魚切兩片魚生畀我！」而飾演瘋狂神探的任達華大讚角色具挑戰性：「有時要表現到『扮豬食老虎』，加上造型特別，真係好期待！」

張家輝大嘆今次操練還辛苦過在警察學堂的生活。

為演好角色，家輝落力非常。

避唔開王晶

此外，家輝前日偕王晶亮相新加坡電影節，順道出席《財神客棧》首映，家輝坦言自離開無綫後久未踏足當地宣傳。穿上型仔禮服的他，卻表示喜歡《財》片中的哨牙造型。問到「張七帝」為何重投喜劇懷抱？他笑說：「我呢世都避唔開王晶！」而王晶則自我介紹是「王家衛」，笑爆全場，並透露自己識做地主動加家輝片酬。

文：影視組