趙嘉懿補度蜜月甜到漏

結婚已兩年多的模特兒趙嘉懿（Carrie）早前才與丈夫黃祖耀到沙巴旅行補度蜜月，她解釋：「結婚後原本買咗機票去羅馬度蜜月，點知當地發生大地震，後來老公工作好忙，到再有時間去旅行，就發現有咗BB，所以一直拖到最近先去蜜月。」
Carrie比堅尼上陣，盡情享受陽光與海灘。
Carrie比堅尼上陣，盡情享受陽光與海灘。

今次四日三夜的旅程中，二人盡情享受陽光與海灘以及二人世界，夫妻感情大增，Carrie坦言：「為方便照顧小朋友，我哋搬去同媽咪爹哋一齊住，少咗二人世界，加上大家都忙，今次去旅行覺得重拾拍拖感覺，真係好開心，我覺得有需要每年同老公去一次旅行，會促進夫婦感情。」難怪二人拍照時，經常情不自禁親嘴。

雖然今次旅程短短數天，但愛子心切的Carrie已對寶貝仔牽腸掛肚：「真係好掛住佢，我每晚都有打長途電話返屋企，聽吓囝囝把聲。」

二人忘形咀嘴。
  • 二人忘形咀嘴。
今次補度蜜月，夫妻感情大增。
  • 今次補度蜜月，夫妻感情大增。