過江女神：囡囡初出道 防狼謹記嗌唔好
好多考生都諗住考完公開試後投入勞動巿場，有人做暑期工，有人就打算做長工，對於呢班啱啱投身社會嘅年輕人，有啲乜嘢要留意呢？今日要介紹嘅過江女神，嚟自帝×桑拿嘅靚女技師葉子，話想同大家分享一下佢嘅寶貴經驗。
東摸西摸
葉子今年先至21歲，十分年輕，放低書包都只係兩三年間嘅事，由佢嚟分享吓初入社會嘅經驗，真係十分合適。葉子話：「啱啱出嚟做嘢，最緊要小心，唔好畀人性騷擾！」唔通葉子當年成日畀人性騷擾？葉子話：「好多上司同男同事見到你啱啱出嚟做嘢，都會走埋嚟大獻殷勤，有時仲會借啲意摸吓你膊頭，攬吓你條腰，就算冇身體接觸，都會喺言語上食你豆腐，萬一遇到啲咁嘅情況，你一定要有態度。」
唔通要鬧啲衰人一身？葉子話：「有時愈鬧佢哋會愈開心，我所指嘅態度，就係要表示你唔喜歡佢哋咁做，有時用雙眼勁睥佢哋都可以，最主要係唔好畀佢哋得寸進尺，遇到嚴重嘅情況，記得大叫唔好，而且仲要火速離開，向信得過嘅人報告。」
咪太性感
咁咪同電視教嘅差唔多？葉子話：「往往老生常談嘅事就係最啱用，另外，自己都要留意吓儀容，有好多囡囡因為貪靚，所以成日着到好性感咁返工，你話唔惹到一身狂蜂浪蝶就奇怪，有時出咗事再向人投訴，人哋都唔會同情你，所以一定要小心，咪着得咁暴露，好似我當年啱啱返工就學人着小背心加迷你裙，搞到有三個男同事為咗我打交，真係有啲過意唔去呀！」葉子咁好身材，又難怪咁惹火嘅！
葉子最後仲醒咗招畀大家，佢話：「女仔啱啱出嚟做嘢，有人問你有冇男朋友，老虎都要話有，咁就會安全好多，而為咗令男同事相信，仲要間唔中自己買花送畀自己，咁就唔會畀啲狂蜂浪蝶纏住。」果然好橋，但容乜易搞到三十歲都冇人追呀？
葉子Profile
年齡：21歲
三圍：36-23-34
興趣：送花畀自己
撰文：小德
攝影：阿德