泳兒香薰催眠 有覺好瞓

英皇女歌手泳兒近來要中港兩邊飛，雖然她已爭取時間休息，但因為精神緊張，導致睡眠質素欠佳，為了提起精神，向來對香薰素有研究的泳兒，日前便購買了一部迷你香薰機，希望透過香薰幫助入眠，泳兒表示效果不俗，她說：「我對香薰都有啲研究，買嗰陣都試過好多種唔同味道，因為自己都唔係每種味道都受落，最後買咗海洋味嘅香薰，好清新、舒服，加上有時間掣調校，唔使成晚都開住部機。有時我都會聽住海浪聲嘅音樂，原來都有效，瞓得幾好。」
泳兒最近購買香薰機幫助入眠。
泳兒最近購買香薰機幫助入眠。

此外，泳兒亦愛以水果及牛奶充飢，她說：「最近就自製蛋白燉鮮奶，好易整，凍食同熱食都得，有時夜晚肚餓，又唔可以食太多嘢，呢款健康食品就啱啱好，因為多蛋白質同鈣質，都幾有益架。」

泳兒自製蛋白燉鮮奶醫肚。
  • 泳兒自製蛋白燉鮮奶醫肚。