Rosanne爆大眼仔放響屁
明天是一年一度的母親節，上月中為混血老公Derek誕下七磅麟兒的黃婉君（Rosanne），其混血「大眼B」首度曝光，人仔細細，放屁甚響，Rosanne獲老公獻上101支紅玫瑰預早慶祝母親節。至於準媽咪蔡少芬可能應景在母親節當天分娩。
Rosanne的兒子白迅（Dylan）出世僅逾兩星期，樣子十分精靈可愛，且遺傳了母親的一雙大眼睛，Rosanne談論兒子樣貌時難掩幸福心情：「依家係『兩溝』囉，對眼似我，其他地方就似老公。」而小Dylan出世以來，Rosanne堅持親力親為湊B，每晚更多次起床餵餔人奶，上圍一向甚有睇頭的Rosanne自爆：「我之前係32D，依家谷奶谷到34D，連陪月都同我講『你哋一家都好豐滿』，不過谷奶真係又脹又痛！」
老公送101支紅玫瑰
由於要餵人奶，Rosanne拒絕跟足傳統「禁浴」，她說：「唔沖涼我驚個身會好臭，依家每日都煲薑水洗頭沖涼。」Rosanne提起兒子便滔滔不絕，更大爆小Dylan經常放「響屁」，她說：「我個仔放屁好大聲，有幾次啲朋友抱佢，佢竟然好大聲咁放屁，真係好失禮！」
明天便是母親節，已收到老公101支的紅玫瑰的Rosanne冧爆表示：「我老公話100支係代表我哋100%嘅愛，嗰一支係代表我哋嘅BB，佢真係好sweet架！」那麼明天如何慶祝？Rosanne說：「老公好辛苦先撲到兩張張學友演唱會飛，所以聽晚我會同佢去睇騷順便慶祝！」
唔見座駕秘密入院
此外，臨盆在即的蔡少芬（Ada）昨日中午登入微博留言後便再沒有「蒲頭」，就連停泊在寓所外的座駕亦消失得無影無蹤，未知是否已秘密入院待產？一名Ada的粉絲在微博留言，估計BB大概想留到爸爸張晉本月十九日生日那天才出生，又指BB母親節那天出世就更應景。本報致電張氏夫婦，但截稿前仍聯絡不上。
文：音樂組