唐詩詠呂晶晶共侍奀星

唐詩詠去年在台慶奪得「飛躍進步女演員」，成功進身花旦地位，但感情方面與崔建邦拍拖多年，期間離離合合多次，直至早前崔建邦被踢爆帶「翻版李嘉欣」郭思琳返回西貢寓所過夜，唐詩詠終於死心。其實唐詩詠一直不乏追求者，09年曾與無綫奀星黃嘉樂傳過緋聞，男方更做柴可夫管接管送，其後因唐崔復合才暫告一段落。由於唐詩詠回復單身，最近黃嘉樂又再次展開追求得米，還不避嫌在本周二唐詩詠30歲生日時，於微博傳情。

拒認盛品儒男友

據知，唐詩詠與黃嘉樂身邊朋友對二人拍拖大表贊同，雖然二人事業上很有距離，不過男方對女友相當關懷，特別是唐詩詠曾被前男友崔建邦傷透心，更覺真情難求。怎料，黃原來極有女人緣，並與最近傳與亞視高層盛品儒過從甚密的亞視冠軍呂晶晶感情非常要好，更有指二人已「暗交」一段時間，故呂晶晶遲遲不肯承認與盛關係。

月前記者更拍得呂晶晶瞞住盛品儒與黃嘉樂撐枱腳，男方刻意打扮低調，加上樣子有幾分似盛品儒，當時還被指是與盛品儒約會，直至最近有人爆料指晶晶一腳踏兩船，對方更是唐詩詠男友，才發現當日與晶晶約會。「醫肚」後晶晶再隨黃嘉樂搭的士到其何文田寓所停車場，不一會黃嘉樂便駕其戰車齊返晶晶大圍香閏，至深夜仍未見離開。而送女返家的戰車，竟是之前用來接送唐詩詠的紅色座駕。

記者昨日致電黃嘉樂了解他與詩詠的關係以及「暗交」晶晶一事，他說：「大家只係好好嘅friend，人哋（晶晶）一個女仔喺香港，身為朋友都會幫吓人，呢個係好gentleman嘅行為，大家唔好諗得太多！（同晶晶有可能結情緣？）可見嘅將來都應該冇乜可能！我高攀唔起。（唐詩詠呢？）咪阿妹囉！由頭到尾都係當佢細妹，如果真係要同佢拍拖，一早喺埋一齊啦！」

黃嘉樂用接載唐詩詠的溝女戰車接呂晶晶下班。	09年黃嘉樂接載唐詩詠下班，情侶關係蒲面。	黃嘉樂與呂晶晶歎浪漫晚餐，不時「吱吱尋」。
黃嘉樂夜送呂晶晶返家，至深夜仍未離去。

「情敵」同枱食飯

至於呂晶晶，對於與黃嘉樂的「暗交」回應，跟不肯承認與盛品儒拍拖一樣，她說：「梗係唔係啦！我哋識咗兩年，因為大家係同一間經理人公司，所以變成好好嘅朋友，嘉樂有車，好多時我哋一齊做完嘢，佢都會車埋我返屋企。（唔怕人見到誤會？）我冇諗過，（盛品儒係咪你真命天子？）梗係唔係！（嘉樂上你屋企？）佢車我返屋企，我都會叫佢上嚟飲杯茶，（知嘉樂有女朋友？）佢以前有……依家冇問，（唐詩詠？）唔知喎！我哋都試過一齊食過飯！我以後都要避忌啲！」

晶晶腳踏兩船，盛品儒蒙在鼓裏，昨日記者致電盛品儒，他以為記者問他與晶晶感情而笑着迴避：「唔方便講，（知道晶晶另有男友？）唔知！（想知佢係邊個？）唔講啦！」便匆匆掛線。至於主角之一的唐詩詠，至截稿前仍未回覆。

文：影視組　攝：追蹤組