羽翹縱容另一半撩女隊酒

歌手羽翹、鄭融、陳柏宇及谷德昭昨日到中環某夜店為錢國偉執導的電影《喜愛夜蒲》開工。片中羽翹和谷德昭扮演愛蒲夫妻，兩人齊齊到夜店消遣，但谷德昭竟膽敢在老婆面前拉住美女友人坐大髀勸酒，難得在旁邊的羽翹見怪不怪，大方得若無其事。

至於飾演空姐的鄭融，落機即趕蒲夜店，到場被仔包圍十分受歡迎，又與4名猛男臉貼臉打招呼外，更忍不住用手袋拍打猛男巨胸，認真熱情奔放。

借尿遁避走

羽翹今次屬客串性質，演戲經驗不多的她也覺得是寶貴經驗，問到她可接受另一半公然溝女？羽翹說：「當然唔可以接受，如果真係發生都唔會即時反面，返到屋企佢就知味道。」

自言過往少蒲的羽翹，表示入行後因工作而多了到夜店，也遇過不少麻煩事，她說：「畀人撩叫飲酒就成日有，多數會借尿遁走人。」自詡酒量了得的羽翹也試過因服用減肥藥後與酒相撞，未幾已經嘔吐大作，被友人瘀爆。

採訪：影視組