楊千嬅昨日接受電台訪問，宣傳新出的國語大碟。有傳千嬅因去年爭輸無綫頒獎禮的「最受歡迎女歌星」而跟無綫交惡，問她會否到無綫宣傳新碟？她說：「應該會，其實大家都有默契，關係OK，遲啲都會幫佢哋去海南島拍廣告雜誌。」
此外，千嬅在微博透露丈夫丁子高近日發燒病倒：「佢book咗醫生，我都有食定維他命C（預防傳染），（煲粥畀佢食？）唔使，佢照食嘢，大魚大肉！（你以前係護士，唔照顧佢？）醫院都有病情分流啦！佢行得走得，可以自己搞掂。」
