君如笑爆女兒有仔求婚

君如更大爆五歲女兒有男仔求婚：「有日佢話有個秘密要話我知，但唔可以話畀老師知，佢含羞答答咁話有同學仔喺廁所話要同佢結婚，仲錫咗佢一啖，笑到我反眼！」君如笑言冇辦法，現今小孩比較早熟，但不會太擔心。她有灌輸性教育予女兒，女兒亦懂事，她說：「我叫佢唔好掀高條裙畀人睇，佢都知道換衫要匿埋，身體唔可以隨便暴露，爸爸都唔睇得。但小朋友就鍾意挑戰人，佢話點解我換衫就可以畀爸爸睇，真係唔識點答，惟有話唔小心囉，咁佢又真係無錯喎。」直言湊女比拍戲辛苦。之後君如會陪陳可辛參加康城影展，對於電影《血滴子》導演陳德森與陳可辛鬧不和一事，她表示不知情。