江若琳事業睇高一線

Elanne近日因劇集於東南亞熱播而在當地人氣急升，更獲星馬廣告商垂青，力邀她成為豐胸代言人。保守派的Elanne笑言曾考慮很久，因經理人游說及得知該廣告商形象正面健康後，就毅然接下廣告。

唔慣身材咁正

她大爆於接受人手按摩療程時非常尷尬，她說：「雖然按摩師都係女仔，但個感覺都係有啲怪，好令人怕醜同埋好痕呀，全程都忍唔住大笑！」她又透露第一次按摩的感覺非常痛，但效果卻顯著得令她也不禁要推介友人，代言人一職可謂十分盡責！

江若琳第一次做豐胸代言人酬勞不錯。

鏡頭外的江若琳包到冚，非常保守！

她於拍攝電視及平面廣告時毫不吝嗇美好身段，盡騷事業線，但鏡頭後卻非常害羞，經常披上外套「保護自己」，現場更有工作人員禁止途人以手機或相機拍攝，以免Elanne尷尬。她直言不習慣自己身材咁好，更笑言：「第一次睇真係唔係太認到自己，有朋友睇過啲相問我做咩有好嘢唔早啲同人分享，搞到我好怕醜囉！」

文：影視組