楊怡早前被指疑似整容隆鼻，昨日出席劇集宣傳時，她否認有整過，但她不感嬲怒：「話我靚咗即係證明我代言嘅美容院有效囉，如果我要整，我就整腫對眼，因為平時唔腫我對眼好深陷冇神，（隆胸呢？）唔會啦，要開刀加啲嘢落去，我怕撞到唔知會點。」
另外，鍾嘉欣在劇中演保齡球好手，她落場打友誼賽時亦自備私家保齡球，有姿勢有實際，不過可惜不小心被影到露Bra走光，但嘉欣表示已打底，只是大家的錯覺。
