陳豪認追陳茵媺：努力中

陳豪、吳卓羲、鍾嘉欣、楊怡等《點解阿Sir係阿Sir》演員齊到保齡球城作賽為劇集宣傳，自牙買加拍罷咖啡特輯返港的陳豪，全程表現風騷，就連打保齡時也拿着咖啡杯Chok晒樣，剛巧早前其舊愛廖碧兒被問他是否好男人時，只以「佢係好鍾意咖啡嘅男人」來形容，問到是否以此來回應廖碧兒的說話？陳豪笑笑說：「我不嬲都係咁啦！（佢唔肯讚你係好男人喎！）都係冇回應，（佢係咪小器？）冇回應啦！」

冇聯絡廖碧兒

對於廖碧兒，陳豪明顯地不欲多提，即使廖碧兒之前在微博放上朋友送的咖啡豆，惹來懷疑是由他所贈，但陳豪猛力搖頭，否認有送過及聯絡過，但當提起陳茵媺時，態度截然不同，對於Aimee讚他是好男人，陳豪隔空打情罵俏：「佢都係好女仔，（請佢返你屋企飲咖啡？）咁又冇，（蕭正楠認輸唔同你爭呀！）好女仔梗係多人追啦，（你追緊Aimee？）努力中！」

堅稱朋友關係

另一邊廂，Aimee在海港城出席母親節活動，被大會安排的一位扮《點》劇中「羅Sir」的小朋友送公仔，示意她送給陳豪媽咪，但Aimee卻拒絕：「我哋都冇拍拖，（有冇人追？）不嬲都有人追，（姓陳？）冇，都係朋友。」

文：影視組