寶珠姐得償所願娶新抱
楊天經與年長2年多的圈外女友吳文珊將於下月註冊結婚，昨日被本報踢爆秘密入紙排期時，楊天經大感驚訝，表示明年才補擺喜酒，曾揚言恨飲新抱茶的母親陳寶珠高興至極，但未有催生BB。
楊天經與圈外女友吳文珊拍拖3年，不時帶女友見家長，其實女友早已過了母親陳寶珠一關，寶珠姐更曾坦言恨飲新抱茶。昨日本報在婚姻註冊署發現楊天經上月底秘密與女友入紙登記排期結婚，一圓母親心願。現年36歲的楊天經比女友吳文珊細2歲多，不過二人未有填報職業，企圖掩人耳目。
唔急生小朋友
昨日致電楊天經問及婚訊，他直認不諱將於5月註冊但驚訝被極速發現，他多謝大家關心及接納祝賀，直言兩人在加拿大讀書時認識，回港後才相認兼拍拖，他說：「結婚喺計劃之內，出年先擺酒。（媽媽開心？）當然！佢冇催生BB，順其自然啦。婆媳關係好，依家同未婚妻一齊住，媽咪住第二度，婚後係唔係同番媽咪一齊住就未諗。（你心情如何？）好緊張，始終係人生大事。」
明年補擺喜酒
楊天經指現忙於主持《更上一層樓》及體育節目，想待工作完成後出年才擺酒，故註冊及擺酒時間分開甚遠，註冊後會先與家人簡單地飯聚。
文：專案組