志偉預測嘉玲生仔
曾志偉及甄志強昨日出席長沙灣亞洲高爾夫球會《2011年度le coq sportif高爾夫球公開賽》記招，志偉品評今屆香港電影金像獎賽果：「我都估係霆鋒同嘉玲，霆鋒up and coming，我同佢講『今年唔攞都出年攞』，佢話『唔好咁講，咁講實攞唔到』。而嘉玲攞令件事好圓滿，佢下個目標應該係生仔。（金像獎主席陳嘉上唔做？）應該係最後一屆。（係咪你做？）唔知，要揀o架！其實陳嘉上有同政府聯繫嘅經驗，又對香港電影有抱負，佢做好合適。」
提到好友莫少聰於北京涉吸毒被捕，志偉說：「我仲未聯絡到佢，但我諗應該冇事，殺錯良民啫！夜總會有人食，咁佢吸到好難講，況且阿聰唔係咁嘅人。」甄志強亦稱：「莫少聰算係我師兄，同佢冇合作，但喺公開活動見過，其實喺內地應酬真係要小心，我聽過有男士被落藥搞到神志迷糊，總之要小心。」