林欣彤認孖羅孝勇行街

林欣彤（Mag）、楊秀惠、周家蔚等前晚為節目《魔法擂台》擔任嘉賓，阿Mag早前被拍得與緋聞男友羅孝勇逛街，她澄清：「當日其實係一大班人，只得我哋被人影，嗰日其實係有個巨聲參賽者嚟香港探我哋，所以大家就去行街。（玩翹手？）唔係，其實係三個人一齊行。（同羅孝勇發展緊？）都係朋友咯！我哋都會拎番呢啲嘢嚟笑。」至於唱片方面，阿Mag表示正在籌備中。