日本救災英雄現身打氣防輻射3人組最搶鏡

「7欖」球迷喪玩Cosplay！「國泰航空/瑞信香港國際七人欖球賽」昨在香港大球場開Show，「7欖」球迷一向觸覺敏銳，有外國fans就「食正」日本大地震洩漏輻射，自製防輻射衣入場，搶盡鏡頭，但原來亦有真正曾深入災場災的日本救人英雄現身大球場，為日本受災同胞打氣！（無線高清翡翠台今晨9時30分及明珠台10時25分起直播）

來自新西蘭嘅「防輻射3人組」，全副武裝搶晒鏡。

每年「7欖」都是球迷的嘉年華，雖然昨日為初賽階段，但都吸引不少「粉絲」捧場，大球場錄得34,755人入場，接近爆滿。球迷都有備而來，以各式各樣的「出位」造型為球隊打氣兼博上鏡，有人扮作大型香蕉四圍搵人拍照，有靚女化身性感地盤女工，亦有人扮賓尼兔、蜘蛛俠、孖寶兄弟等漫畫人物。不過，要數最「爆」的是來自新西蘭的「防輻射3人組」，一身防輻射打扮少不免觸動他人對輻射威脅的危機感。

今日舞不停！<br>英國Newedge Allstarzz啦啦隊，落力勁舞搞慶氣氛。

今日舞不停！
英國Newedge Allstarzz啦啦隊，落力勁舞搞慶氣氛。

日本隊登場掌聲雷動

身穿寫有福島核電廠員工防輻射衣的阿Ben表示，今次與居港友人第二次入場睇「7欖」，他強調一身防輻射造型絕不是針對日本：「輻射係依家大家關心嘅話題，咁樣着係想貼近時事，我亦想為日本人加油！」

至於當日本隊出場，全場球迷均報以熱烈掌聲，場面感人，日本隊各將亦臂纏黑紗上陣，悼念地震慘劇的災民。雖然得到各方支持，但以年輕球員為骨幹的日本隊於B組首戰以19比24不敵美國，教練村田亙很開心有這麼多本地球迷支持。

曾到災區參與搜救、來自日本橫濱的消防員鈴木雅夫，就趁假期和女兒入場睇波，拉起寫有大地震實況的日本旗幫日本隊打氣。成功找到3名失蹤者的鈴木表示：「當時去到現場真的很震驚，今次來希望為日本隊和自己國家打氣，奸爸爹！」

睇罅喂！	比堅尼，行貨料！	飲得杯落！
日本救災英雄鈴木雅夫拎住日本旗為同胞打氣，旗上並寫有地震受害人及失蹤者數字。	放大圖片	香蕉人
孖寶兄弟	真空姐！呢兩個靚女真係空姐嚟架！