劉嘉玲追求物質慚愧落淚

嘉玲與小齊經過五日四夜行程後，昨午返抵香港，嘉玲說此行非常辛苦，曾效法村民擔水，由於太重未走到一半路程已抵受不住，再加上要走不少山路，結果連鞋也穿破。

嘉玲又指當地缺乏水源，有意捐錢興建水窖：「我覺得物質上幫助係其次，最重要係精神上，透過節目同報道令大家多啲關心，因為佢哋連基本生活嘅嘢都缺乏，好難想像到，個人能力有限，希望老天落一場雨，會係個好大恩賜。」

劉嘉玲、任賢齊結束甘肅行回港。

劉嘉玲（左）在甘肅探村民，目睹他們的苦況也忍不住流淚。

建水窖捐助小孩

除了建水窖，嘉玲還有意捐助當地小朋友，目睹他們的生活狀況，她也忍不住落淚：「佢哋對艱苦生活唔覺得有問題，反而講起好耐冇見嘅家人就變得沉默，令我內心好糾纏，我都叫堅強，但每日都忍唔住喊，諗起平時會為買唔到個袋唔開心，女仔係有啲妒嫉同猜度，但呢啲唔係佢哋諗嘅嘢。」梁朝偉對老婆甘肅之行很支持。

先後多次提名金像獎影后的嘉玲今年再獲提名，開心的她坦言從失意中學懂習慣，反而好友比她還興奮，屆時會拉大隊支持，至於偉仔會否現身支持，則要看他的時間能否配合。

家中珍藏金馬獎

嘉玲甜絲絲的說最珍惜的一個獎早於06年生日時獲得：「當年林青霞以真金打造一個金馬獎，仲同偉仔一齊頒畀我，話係佢哋心目中女主角，真係好冧，個獎依家擺喺屋企供奉緊。」

王菲在港開唱被指狀態未如北京與上海站，嘉玲力撐好友說：「我覺得好好，咁每日狀態都唔同，不過我睇香港第一場嗰時，係有一句有少少甩甩哋，咁Live Show係咁嘅啦！」

文：影視組