許冠文搞笑靠老婆

冷面笑匠許冠文下月十六日將在紅館舉行棟篤笑,昨日他到電台接受查小欣訪問,他透露開騷當日正是太太的生日,因此當是送給她的禮物。許冠文表示自己不是容易笑的人,對於講笑話有小秘訣:「由大學時代到依家,有個人我講乜佢都會笑,每次出場我就諗,就算全世界唔笑佢都會笑,我當全場啲人都係佢,自然就唔會緊張,我教人講笑話都係咁,當自己對住最愛嘅人講就會好自然。」許冠文表示這個人就是其太太,認真冧爆。

早前溫拿笑言要許冠文讓檔期為演唱會加場,他說:「我讓冇問題,一係我取消個騷,但係每晚喺佢哋度講十五分鐘囉。」他大讚黃子華、林海峰的棟篤笑各有特色,許冠文謂:「子華,我睇住佢由唔夠五十個觀眾到開十場紅館,呢個歷程好好。仲有農夫嗰個陸永好有潛質,佢講嘢好有層次感,本身個人又識講嘢,捉到個笑位。」

彈《大軍閥》非高手

他指自己的騷及電影有規矩,就是不講粗口:「黃霑話出台即刻講粗口就可以令人嘩然,如果係咁不如除褲。當年拍《大軍閥》要狄娜除衫,我唔鍾意咁做,要女仔除衫先有票房就唔係高手。」他提到當年訪問已故巨星李小龍,大讚他跳舞厲害,他的功夫亦是由舞蹈演變出來的。

文:盧坤穎

聖誕假期去邊度玩?
即上on.cc東方互動《享樂聖誕2010》專輯,為您一站式搜羅各類聖誕消費情報!