謝賢東京尋歡唔阻乖仔
張栢芝和謝霆鋒兩夫妻早前各自分頭忙於拍戲，難得最近雙雙有假期，適逢又是元旦，栢芝細心安排了兩夫婦帶同大仔Lucas去澳門過新年，但同行卻不見老爺謝賢（四哥）和奶奶拉姑，四哥接受電話訪問，透露自己並不閒着，趁新年和老友們去了東京過年，四哥說：「冇去澳門，因為我都唔喺香港，我同成班朋友去咗日本東京倒數，冇滑雪，唔想帶咁多嘢去，有浸溫泉囉！」
問到稍後的農曆新年會否與霆鋒一家享受家庭樂，四哥笑說：「各有各玩啦！我呢個老竇好識做o架！我都有自己朋友，大把嘢玩。」講及兩名乖孫目前情況，四哥立即笑聲不絕，他說：「好好！兩個都好乖，（有冇去湊孫？）我成日都有去幫手湊。」