驚聞拍檔唔妥即回水 森美幸保不失

DJ森美和小儀昨日與模特兒鍾浠文出席Pizza Hut「暖笠LOVE冬日電車派對」，出場時有外籍模特兒突然向森美送吻，令他手足無措，幸有小儀作狀獻吻打圓場。對於有報道指無綫節目主持林澄光（Michael）與森美有錢銀瓜葛，更在朋友前誇口搭上高海寧，森美承認兩年前給予對方10萬元投資飲食生意，最後聽聞Michael與別人有錢銀瓜葛而要求退款：「我唔係等錢使，總之畀番我就OK喇，大家之後都有合作，至於佢同其他人就唔知。」他又力撐Michael不花弗：「話佢𡁻完唱？𡁻同唱係兩個動作喎，好似Pizza咁要食咗先叫好味。我唔信，唔信佢咁多人鍾意，我都冇。（有模特兒獻吻？）工作啫，都有啲尷尬！」