Canon女萬聖節 嚇餐飽
在美國長大的第三代Canon甜心Melanie Z.，從小就跟家人一起慶祝萬聖節，以cute爆造型四出敲門取糖果，來到香港，Melanie Z.仍準備跟友人們開party玩番餐。日前她就到了石板街選購萬聖節飾物，在大學修讀昆蟲學的她，拿起一堆膠曱甴放在手臂上玩個不亦樂乎。
提起萬聖節，Melanie即時憶起不少童年快樂趣事：「我每年都會同屋企人四圍敲門問人攞糖果，我扮過好多唔同嘅造型，好似南瓜、枕頭同埋芭蕾舞公仔，年年都唔同，我淨係鍾意扮啲得意同埋靚嘅嘢，唔鍾意啲核突同恐怖嘅嘢。」
她最難忘的一次經歷，是姑姐把家裏布置得像凶宅一樣，走進屋內有一種很陰森的感覺，她說：「間屋已經得人驚，仲要突然有幾個人跳出嚟，嚇到我即時跌晒成籃糖果落地。到大個咗之後，我都依然會陪啲cousin出去玩，負責睇住佢哋。自從我嚟咗香港就冇得咁樣玩喇，不過我都會約啲朋友一齊開party慶祝吓。」