情侶檔 冇情講 傅穎羅仲謙計錢親熱
傅穎、羅仲謙及鄭嘉穎緋聞女友徐靖雯等，昨日到荷里活廣場行騷，只見緋聞男女傅穎及羅仲謙在台上各有各行，原來要二人有親熱動作，價格需另議。
問到兩人同台是否有「情侶價」？傅穎說：「好似有呢個Term，但唔知係咪貴啲。（搞多啲緋聞再貴啲？）即係同好多人搞？我唔得o架！（專一？）不嬲都專一。」問到羅仲謙為何不拖實「女友」？他說：「大會冇要求，我已經自發扶佢腰喇！」他笑言不同動作要收不同價錢，兩人又指若酬勞滿意，即使又攬又錫也可以。
徐靖雯嫌棄嘉穎
現場所見，徐靖雯明顯比傅穎高一大截，可是羅仲謙竟讚傅穎長腿吸引，擺明情人眼裏只有她，其後傅穎反讚羅仲謙巨胸頂呱呱：「你（個胸）最勁啦！所有女仔拍埋都輸晒！」
至於模特兒徐靖雯表示最近因工作壓力，皮膚變差及消瘦不少。問到跟鄭嘉穎是否仍有聯絡？她說：「有通電話，大家是朋友。」但當得知嘉穎表示跟她沒有發展可能，她即暗寸對方年紀大：「沒失望，而且他大我很多，怕溝通有問題。」
文：影視組