莊思敏勒住胸賽車：爆咗再隆過

莊思敏、徐子珊、詩雅和王敏德等昨日到珠海國際賽車場為節目《仁濟超級跑車愛心全接觸》錄影。眾女星一身賽車手扮相，奈何天氣酷熱難忍，她們也紛紛拉低賽車服「抖氣」，露出打底小背心，其中以隆過胸的莊思敏露出Bra帶，最有睇頭。莊思敏更是唯一女星落場駕賽車飄移籌款，最後更勝出比賽。

對手術有信心

莊思敏受訪時被問到隆胸後可否做激烈活動？她說：「醫生都有講頭一個月就唔可以做激烈活動，依家都過咗兩個月啦，冇問題嘅，亦冇為個胸買保險。（驚唔驚爆波？）爆咗咪再整過囉。」

詩雅亂行逆駛

未能親自駕車飄移的徐子珊只能做乘客，對此感到十分可惜，她說：「啲總理可能知我撞過車，所以唔敢坐我車，咪變咗只可以做乘客。」

同場的詩雅雖然有車牌，但自爆曾試過入錯行車線而逆駛，幸未有意外發生，朋友得悉後也勸她不要揸車，她說：「自己好似有第六感，之前發夢坐喺一架飄移跑車度，但係揸車就唔係周杰倫囉，只係一個外賣仔。」

王敏德亦有落場飄移。

賈曉晨（左起）、莊思敏、徐子珊及詩雅打扮成賽車手亮相。