高海寧騷事業線向台商抓撈
高海寧昨日出席台灣美食節活動，身穿牛仔布Tube Dress的她大騷事業線，相對同場的台灣女星柯以柔的密實打扮，高海寧似乎技勝一籌，不過伊人於台下就座時卻不慎露白底，認真失策！
被喻為「新一代咪神」的高海寧，昨日性感上陣，笑言已很耐沒有把事業線騷出來，由於現場有不少台灣代表，望藉此吸引不同客戶，有助日後在台灣發展。問到是否認為性感較易被取悅？高海寧笑謂：「唔係，係呢條裙着出嚟有少少性感，（條裙size好似細咗啲？）因為要fit條腰，我買衫好慘，fit得個胸，腰位就會鬆，搞到成日要改裙。」
滿意身材唔使整
對於莊思敏認隆胸，問她是否覺得對方勇敢，高海寧謂：「係佢自己選擇，最緊要過到自己嗰關，出嚟有自信同開心，（覺唔覺對你競爭大咗？）我競爭唔係喺呢度，我有做主持同寫專欄，希望畀人睇到多啲內在嘢，（接唔接受隆胸同整容？）我冇呢個需要，好滿意自己嘅身材同樣貌，冇需要去做囉！」
文：影視組