祖兒嗌好：唔使咁寡

容祖兒、陳奕迅（Eason）、鍾舒漫（Sherman）、棒棒堂及蔡卓妍（阿Sa）等人前晚出席頒獎禮慶功宴，身穿透視裝露黑色Bra的Sherman搶盡風頭，由於任賢齊及何韻詩臨時缺席，惹來不滿賽果傳聞，兩人齊聲否認並強調早已通知大會，亦滿意賽果。

唔認跟阿詩親密

穿上品牌Junya Watanabe的祖兒對於獻唱時大會鏡頭不停拍攝好友何韻詩，她說：「相信影佢會引起大家注意，今晚阿媽冇嚟，有都會影佢。（大會知你同阿詩好熟？）我哋係好熟。（親密？）未至於親密。」有指四大與無綫近日成功傾掂版稅問題，祖兒說：「非常好，唔使『咁寡』，唔係林峯就係阿Sa，再唔係就係我同王祖藍。（你都覺得悶？）戥觀眾唔夠精彩。」

孫楠獲獎感到意義重大。

一身Miss Sixty服裝的鍾舒漫令人眼前一亮。

Eason呻攞嚟搞

身為四大唱片歌手之一的Eason坦言不知與無綫和好，對於有指謝安琪不獲解封？Eason說：「要問佢經理人，唔關我事，做歌手最緊要做好音樂嘅質素。（CASH又同無綫因版稅鬧翻？）吓，咁就攞嚟搞啦，咁峰迴路轉，等公司去搞啦。」而孫楠感激大會頒發《新城國語力殿堂歌手大獎》給他：「很開心亦感覺別有意義。」而祖兒前日戴上黑超在助手陪同下到中環髮型屋Set頭，準備參加頒獎禮，不施脂粉的祖兒發現記者拍攝即快閃衝入大廈。

此外，祖兒客串演出《翡翠明珠》，同戲拍檔王祖藍昨晚出席活動時大讚祖兒有喜劇細胞，更想和祖兒組喜劇情侶檔。

採訪：音樂組